سجّل هسه

سياسة الخصوصية

هذي الصفحة تخص موقع جم جم (gymgym-iq.com) وقائمة الانتظار مالته. كتبناها قصيرة وواضحة.

شنو ناخذ منك

ما نطلب أكثر من هذا. لا عمر، لا عنوان، لا معلومات صحية.

ليش ناخذها

ما نستخدم رقمك أو إيميلك لإعلانات جهات ثانية، وما نبيعه وما ننطيه لأحد.

الكوكيز والتتبع

الموقع ما يستخدم كوكيز ولا أدوات تتبع أو إعلانات، والخطوط والصور كلها من نفس الموقع. عنوان الـIP مالتك يوصل للخادم مثل أي موقع، ونستخدمه لحظتها بس حتى نمنع الإرسال المتكرر، وما نخزنه ويا تسجيلك.

وين تنحفظ

بقاعدة بيانات على خدمة استضافة سحابية (Railway)، والاتصال بالموقع مشفّر (HTTPS). يوصل للبيانات فريق جم جم فقط.

شكد نحتفظ بيها

بيانات قائمة الانتظار نحتفظ بيها لحد ما ينزل التطبيق ونخبرك، وبعدها نحذفها خلال فترة معقولة. رسائل التواصل نحتفظ بيها للمدة اللي نحتاجها حتى نرد ونتابع الموضوع.

حقك بالحذف والتعديل

تقدر بأي وقت تطلب نحذف رقمك أو إيميلك أو نصححه. دزّلنا من نموذج التواصل من نفس الرقم أو الإيميل، ونحذفه.

تطبيق جم جم نفسه

هذي السياسة للموقع فقط. التطبيق من ينزل راح تكون إله سياسة خصوصية خاصة بيه تنعرض داخل التطبيق وهنا.

التغييرات

إذا غيّرنا شي بهذي السياسة نحدّث هذي الصفحة ونغيّر التاريخ اللي جوه.

آخر تحديث: 19/11/2026